Rizgarkirina Jaydene

Kralê xirab ê sêhrbaz, Kralîçe Jaydenê li qesra xwe dîl digre û tenê Aleks, Vanessa û Sam dikarin wê rizgar bikin. Aleks şeveke tengezar li odeya xwe pirtûkeke bi navê Rizgarkirina Jaydenê peyda dike. Piştî demeke kurt, Aleks fam dike ku li cîhaneke din Jayden yeka rasteqîn e, û bi rastî jî serê wê ketiye belayê. Ji bo alîkariyê divê Aleks û hevalên xwe hinek pirsan çêdikin, yên ku ji aliyê komeke parêzvanên cinawir ve tên pêşkêşkirin. Bi giştî çarsed pirs hene –serê odeyeke qesrê pirsek– û wext jî her diçe teng dibe…
Vladimir Tumanovê ku bi rêya edebiyatê dixwaze hin tirs û endîşeyên zarokan berteref bike, di Rizgarkirina Jaydenê de digel Aleks û hevalên wî derdikeve nêçîra pirsên matematîkê. Matematîka ku ji bo gelek zarokan kabûs e dê bi saya vê macereya fantastîk a Aleks bibe kelecaneke bêdawî. Tumanov bi vê şêwazê matematîk û edebiyat digel hev kirine mêvanên mala zarokan. Vê carê jî mazûvan Kurdî û zarokên Kurdan in. Kerem bikin hûn jî Keybanû Jaydenê bi matematîk û mamikan rizgar bikin.